Ligji për gjuhën ruse nxitë rrëmujë në Ukrainë
Deputetët e partisë shumicë, Partia e Regjioneve, shtynë përpara miratimin e ligjit të martën.
Miratimi i ligjit në fjalë shkaktoi pakënaqësi në mesin e deputetëve dhe protesta në rrugët e Kievit.
Ligji parasheh që gjuha ruse të gëzojë një status të barabartë me atë ukrainase në diskursin ligjor, biznes dhe edukim.
Ligji, megjithatë, duhet të nënshkruhet nga presidenti i Ukrainës, Viktor Janukovic, para se të hyjë në fuqi.
Deputetët e partive në pushtet dhe ata të opozitës në Ukrainë janë grushtuar kur në legjislativin ukrainas u miratua ky ligj.
248 nga 364 deputetët e pranishëm votuan në favor të ligjit, ia cili ia jep gjuhës ruse statusin e njëjtë të përdorimit.
Aktualisht, gjuha ukrainase është e vetmja që lejohet të përdoret në dokumentet ligjore dhe të tatimeve.
Folësit rusë gjenden kryesisht në jug dhe në lindje të Ukrainës dhe në qytete të mëdha, ndërsa folësit e gjuhës ukrainase jetojnë më shumë në veri dhe perëndim sikurse në zonat rurale të vendit.
Menjëherë pas miratimit të ligjit, rreth 1 mijë protestues në Kiev u përleshen me policinë.