Lihet ne burg babai-tutor dhe dy te akuzuar per pedofili

Gjykata e Shkalles se Pare te Korces la ne burg babane e dy vajzave te shfrytezuara prej tij si prostituta nderkohe qe ishin vetem 8 dhe 10 vjece si dhe dy prej personave qe gajte kesaj periudhe kishin kryer marredhenie pedofilie me to.

Ne seancen per vleresimin e mases se sigurise gjykata vendosi arrest me burg per 52-vjecarin P.M. dhe per shtetasit Andrea Nameti 62 vjec e Skender Kollozi 35 vjec. Nderkohe vendosi te lere ne arrest shtepie per shkak te moshes 79-vjecarin Nevruz Kollani te njohur me nofken Gjyshka.

Mbi tre te fundit rendon akuza e kryerjes se marredhenieve seksuale me te mitura nderkohe qe babai akuzohet per shfrytezim te miturish per prostitucion. Te pandehurit u mbrojten nga nje avokat i caktuar nga gjykata. Mbrojtesi Maks Ceci tha se asnjeri nga klientet e tij nuk i pranoi akuzat e ngritura dhe se objektivi i seances ishte njohja me masen e sigurise e caktuar me pare nga gjykata.

Skandali per shfrytezimin e te miturave u zbulua nga policia e Korces pas nje hetimi 3-mujor pas denoncimit te dy vajzave te cilat sot jane ne moshen 15 dhe 17 vjece. Sipas denoncimit te tyre babai i shfrytezonte ato si prostituta duke u gjetur kliente te cilet paguanin 1 000 leke te reja per te kryer marredhenie me vajzat marredhenie seksuale qe kryheshin neper bunkere.

Ngjarja ka ndodhur ne periudhen kohore 2004-2006. Pas denoncimit policia nisi hetimin per te vertetuar qe vajzat kishin tutor babane e tyre dhe ne krye te tre muajve ndaluan kater vete. Nena dhe babai i vajzave deklaruan se ata dinin vetem faktin qe Gjyshka i kishte ngacmuar seksualisht te miturat dhe se u bente dhurata por mohuan se kryefamiljari i kishte perdorur vajzat. Keto te fundit tashme trajtohen ne nje qender sociale dhe ndodhen nen mbrojtjen e policise.