Lirohet Arben Perballa, anetari i grupit "Kokaina"

Tirane- Lirohet me kusht, Arben Perballa, anetari i grupit "Kokaina". Gjykata e Tiranes ka vendosur dje te pranoje kerkesen e depozituar nga vete i pandehuri, per lirimin e tij me kusht, deri ne perfundim te denimit. Gjyqtari i ceshtjes Ilir Celiku, pasi ka shqyrtuar dosjen e te pandehurit, sjelljen e tij te mire, si dhe ka konstatuar se i kishin mbetur rreth 2 vjet e 7 muaj nga denimi, ka vendosur pranimin e kerkeses se Perballes. Me 20 maj te ketij viti, Gjykata e Tiranes pranoi kerkesen per lirimin e anetarit tjeter te dosjes "Kokaina", Sokol Kociut per shkak te gjendjes se tij shendetesore. Te arrestuarit e dosjes "Kokaina" ishin te akuzuar per organizimin e trafikut te narkotikeve dhe kokaines, nga Kolumbia ne Shqiperi ne vitin 2001, krijim te organizatave kriminale, trafikim te lendeve narkotike, armembajtje pa leje. Keto jane akuzat qe derguan ne burg ish-shefin e policise, Sokol Kociu, se bashku me pese persona te tjere, ne vitin 2001. Pese pjesetaret e grupit "Kokaina", ishin Frederik Durda, i denuar me 16 vjet burg, Arben Perballa me 15 vjet, Sokol Kociu me 15 vjet, Mentor Hadergjonaj me 7 vjet burg (tani eshte lene i lire), Vehbi Hysi me 5.5 vjet, (vdiq ne maj te 2003 pak muaj para se te lirohej), ndersa Alfred Nanaj, me 6 vjet burg. Procesi ndaj tyre ka qene shume i bujshem edhe per vete faktin se asokohe u perfol dhe implikimi i ish-Prokurorit te Pergjithshem, Arben Rakipi, i cili ishte nje nder miqte e ngushte dhe eprori i Sokol Kociut.

R.C

Dosja "Kokaina"

Pjesetaret e grupit "Kokaina" u arrestuan gjate muajve shkurt-mars te vitit 2001 ne Tirane, pas nje operacioni te nisur nga Kolumbia dhe Italia, per dyshimet e ngritura rreth tentatives se trafikut te droges nga Amerika Latine. Pergjimet ishin kryer nga Antidroga italiane per disa muaj dhe iu dorezuan drejtesise shqiptare.