Lista e barnave, pensionistet: Jane ilace te blera ne Lindje, jocilesore

Lista e re e barnave u fol te kishte ilace te reja, te mira, eficente dhe mbi te gjitha qe permblidhte brenda rimbursimit, kategorine e moshes se trete. Ne fakt, Sindikata e Pensionisteve edhe pas 4 vjetesh, ka perseri objeksione per sa i takon listes se barnave me rimbursim. Jo vetem qe nuk jane te kenaqur nga kjo liste, por kerkojne te rikthehen ne te kaluaren ne vitin 2005, atehere kur ishin me shume se te kenaqur si nga lista e barnave, ashtu edhe nga cilesia e tyre. "Lista e re e barnave nuk na eshte dhene ne variant te printuar, madje akoma se kemi pare as ne farmaci, por cilesia e barnave le per te deshiruar. Dua te them qe kjo liste duket se ka me shume barna, sikur zgjeron gamen e tyre, por ne fakt ato jane ilace te blera ne Lindje, jocilesore qe nuk na trajtojne problemet tona", tha Isa Gorica, kreu i Sindikates se Pensionisteve. Sipas tij, keto ilace nuk kane efekte mbi semundjet e pensionisteve dhe ne te tilla kushte, ata detyrohen te blejne jashte liste, me cmime me te larta, per te trajtuar problemet e tyre shendetesore. Sipas Gorices, pensionistet prej vitesh paguajne per te marre ilacet e nevojshme, kjo sepse ka ndryshuar skema, tashme medikamentet kryesore kane dale nga lista dhe jane futur si dytesore, kundrejt nje pagese. Kreu u Sindikates se Pensionisteve, ka pohuar se pensionistet sot paguajne per te marre nje sherbim ne spital, apo ambulanca. "Vite me pare ne nuk kemi paguar per kryerjen e nje ekzaminimi te shtrenjte, aq sa kostoja reale, por vetem 10 per qind te saj. Kurse sot ne paguajme cmimin, ashtu sikurse paguan nje i punesuar, nje biznesmen apo edhe nje i papune. Keshtu nese nje skaner sot kushton 15 mije lek, ne duhet te paguajme vetem 10 per qind, por ne te vertete ne paguajme kete shume", ka pohuar Gorica. Sipas tij, problem tjeter qe haset nga pensionistet eshte edhe kryerja e analizave ne spitalet private, per shkak te mungeses se reagenteve ne poliklinika dhe spitale. "Ne te gjitha spitalet dhe ambulancat, nuk gjenden reagentet apo solucionet, me te cilat kryhen keto analiza dhe ne jemi te detyruar te shkojme tek privatet. Keto na kane detyruar qe nje pjese te ilaceve t'i marrim me liste, sepse vetem me nje pension nuk mund te sigurosh nje jetese normale, kur dihet qe cdo pensionist ka nje semundje", ka pohuar Gorica. Duke shtruar gjithe keto probleme, Gorica i ka kerkuar Ministrise se Shendetesise dhe ISKSH-se, ne emer te te gjithe pensionisteve qe ndryshimet dhe reformat qe kryhen, te jene me efekte pozitive per ta dhe jo t'i fusin ne borxhe.