Liverpuli në alarm, Çelsi ofertë për Fernando Torres

Liverpul - Klubi i Çelsit është duke përgatitur një shumë të majme prej 50 milionë sterlinash për të sjellë në Londër sulmuesin e Liverpulit, Fernando Torres. Lajmi bëhet i ditur nga “News of the World”, duke thënë se futbollisti spanjoll është objektivi kryesor i Karlo Ançelotit për këtë merkato.

Roman Abramoviç mund ta kryejë me sukses transferimin, duke marrë parasysh se pronarët e Liverpulit, Tom Hicks dhe George Gillet, kanë një humbje financiare prej 46.6 milionë sterlinash.