Lojerat e fatit, taksat do te rritet me 20%

Rriten taksat per lojerat e fatit. Kuvendi i vuri dje vulen rritjes se taksave per te gjitha lojerat e fatit, me synim reduktimin e tyre si dhe permiresimin e cilesise se sherbimit ndaj klientit. Me 73 vota, u miratua projektligji per ndryshimin e ligjit per lojerat e fatit, ku percaktohen dhe cmime te reja per ata qe e ushtrojne kete biznes. Keshtu, Kuvendi vendosi te rrise me 20 per qind taksat per lojerat e fatit, te ndara ne rrethe te vecanta. Sipas projektligjit, per rrethet e kategorise se pare, do te paguhet nje takse prej 400 mije lekesh per cdo salle dhe 100 mije leke per cdo makine elektronike, te tipit slot e videolotari. Per rrethet e kategorise se dyte, 200 mije leke per cdo salle dhe 60 mije leke, per cdo makine elektronike, te tipit slot e videolotari. Ndersa per rrethet e kategorise se trete, 100 mije leke per cdo salle dhe 40 mije leke per cdo makine elektronike. Po keshtu, ligji percakton se per cdo makine elektronike me me shume se nje rulete, organizatori paguan nje kuote fikse mujore prej 1 milione lekesh dhe 300 mije lekesh ne muaj per cdo pozicion loje, pavaresisht nga rrethi, ku ushtron veprimtarine. Per tryezat me me shume se nje pozicion (rulete), nje takse mujore, ne masen 300 mije leke ne muaj per cdo pozicion. Ndersa per tryezat me letra apo zara, taksa mujore shkon ne masen 1.5 milione lekesh. Per lojerat elektronike dhe makinat slot, me fitim ne cast dhe per videolotarine, te vendosura ne mjediset e kazinose, nje takse mujore, ne masen 120 mije leke, per cdo kompjuter elektronik. Ministri i Financave, Bode, u shpreh se nje mase e tille ndermerret per te ulur numrin e kazinove ne vend. "Ne Shqiperi mund te thuhet pa frike se lojerat e fatit kane zaptuar cdo cep te vendit. Rritja e cmimeve, behet per te ulur numrin e tyre, por edhe per te permiresuar cilesine", u shpreh Bode, duke theksuar se nuk mundet qe Shqiperia, te kryesoje per numrin e madh te lojerave te fatit, vendet e tjera te rajonit.

Reforma ne ushtri

Konferenca