Lufta e Ukrainës/ Vladimir Putin viziton rajonin e pushtuar të Khersonit
Presidenti rus Vladimir Putin ka vizituar zonat në Ukrainë që kontrollohen nga Moska. Putini ka zbarkuar në rajonin jugor të Khersonit ku ka dëgjuar raportet e komandantëve ushtarakë.
Putin thuhet se ka vizituar gjithashtu rajonin Luhansk të Ukrainës. Rusia pretendon se ka aneksuar të dy rajonet, por nuk i kontrollon plotësisht asnjërin.
Gjithashtu, bëhet e ditur se Putin ka vizituar zonën bregdetare të Khersonit, por është ende e paqartë se kur.
Zëdhënësi i Putinit, Dmitry Peskov tha se vizita u zhvillua më 17 prill. Megjithatë, pamjet e postuara fillimisht në faqen e internetit të Kremlinit tregojnë të kundërtën.
Në videon e publikuar nga zyra e shtypit presidentit Putin, shihet se shefi i Kremlinit dëgjohet qartë duke thënë se festa e Pashkëve “po afron”. Pashkët ortodokse u festuan në Rusi më 16 prill, një ditë përpara datës së pretenduar nga zoti Peskov.
Videoja në uebsajtin e Kremlinit që atëherë është redaktuar, me fjalët e Putinit “duke dalë” të hequra. Udhëtime të tilla të liderit rus janë të rralla, megjithëse ai bëri një vizitë të papritur në qytetin e Mariupolit në mars.
Putin tha në takimin ushtarak në Kherson se, megjithëse nuk donte t’i shpërqendronte ata nga detyrat e tyre, “është e rëndësishme për mua të dëgjoj mendimin tuaj se si po zhvillohet situata, t’ju dëgjoj, të shkëmbejmë informacion”.
Trupat ruse u tërhoqën nga qyteti i Khersonit në fund të vitit të kaluar, duke humbur të vetmin kryeqytet rajonal që kishte arritur të kapte që kur Moska pushtoi Ukrainën në shkurt 2022, transmeton BBC.
Megjithatë, një pjesë e rajonit mbetet nën kontrollin rus. Presidenti ukrainas Volodymyr Zelensky të martën vizitoi qytetin e vijës së parë të Avdiivka në rajonin e Donetskut. Zyra e tij publikoi një video ku shihet Zelensky duke u dhënë çmime ushtarëve, të cilët kanë muaj që mbrojnë qytetin nga sulmet ruse.
/rtsh.al/