Lulzim Basha rikonfirmohet kryetari i Partisë Demokratike

Lulzim Basha rikonfirmohet Kryetari i Partisë Demokratike nga zgjedhjet e 13 Qershorit. Në një komunikim me mediet, Kryetari i Komisionit Zgjedhor në PD, Jemin Gjana tha se “Komisioni zgjedhor i PD sapo ka përmbyllur procesverbalin e përgatitjes dhe të deklarimit të rezultatit përfundimtar zyrtar. Kemi administruar 76 kutitë e 76 komisioneve të votimit në gjithë vendin, në prani të komisionit janë hapur një nga një kutitë, janë regjistruar të dhënat e dokumentuara në procesverbale. Bazuar në të dhënat zyrtare të procesverbaleve të futura në përllogaritje, rezulton se nga anëtarët e PD kanë votuar 41.097 anëtarë, 413 vota të pavlefshme, 40.684 vota të vlefshme, të ndara sipas kandidatëve në garë: Për zotin Fatbardh Kadilli kanë votuar 781 anëtarë; për zonjën Edit Harxhi kanë votuar 983 anëtarë; për zotin Agron Shehaj 6.038 anëtarë; për zotin Lulzim Basha kanë votuar 32.882 anëtarë. Bazuar në këto të dhëna Komisioni zgjedhor i PD shpall zyrtarisht fitues të garës për kryetar të PD zotin Lulzim Basha.”

Rivalët e kreut të PD Basha në garë kundështuan procesin si të manipuluar, ndërkohë që zoti Basha me zgjedhjet e 13 Qershorit siguroi mandatin e tretë në krye të PD-së.

“