MASH mban peng koeficientet, vonohet plotesimi i formularit

Ndonese ka rreth tre dite qe eshte celur procedura zyrtare e plotesimit te formulareve A1 dhe A1Z, ne shkollat e mesme ende nuk jane derguar koeficientet e lendeve me zgjedhje, te propozuara nga fakultetet. Keto te fundit jane vendimtare, ne ndihmen qe u jepet maturanteve per te percaktuar lendet me zgjedhje, ku kane me shume probabilitet per te fituar studimet e larta per vitin e ardhshem akademik. Propozimet perkatese per llojet e koeficienteve, prej ditesh jane dorezuar ne Ministrine e Arsimit dhe Shkences nga ana e universiteteve. Nderkohe qe MASH, ende nuk ka zyrtarizuar publikimin e tyre, cka do te thote se maturantet do te shtyjne plotesimin e formularit drejt diteve te fundit. Situate kjo qe mund te krijoje kaos dhe mundesi jo te qeta, per perzgjedhje lendesh. Megjithate ne dispozicion per caktimin e dy lendeve me zgjedhje maturantet kane edhe nje jave kohe. Afatet e percaktuara ne rregulloren e provimeve, lejojne plotesimin e formularit A1 dhe A1Z, deri me 10 mars. Brenda ketij harku kohor, maturantet duhet te percaktojne dy lendet me zgjedhje si dhe te plotesojne sakte gjeneralitetet e tyre. Gjithashtu brenda kesaj date, ata mund te riplotesojne nje tjeter formular, ne rast se i pari eshte bere gabim", ne te kundert s'kualifikohen nga gara e provimeve. Per kete vit jane percaktuar 5 koeficientet e llojit te shkolles se mesme, ku cdo dege e shkolles se larte ka ne dispozicion 5 koeficiente, nga 1.0 deri ne 1.4 . (1.0, 1.1, 1.2, 1.3, 1.4), me te cilet vendos preferencen e saj per llojet e ndryshme te shkollave te mesme te grupuara ne 10 grupe kryesore, qe dallohen nga planet dhe programet qe zbatojne.

Koeficientet

Edhe per kete vit akademik, koeficientet e lendeve me zgjedhje do te jene nga 1.0 deri ne 1.3. Pavaresisht faktit se ende nuk jane publikuar nga MASH, specialistet e AVA-as, kane deklaruar se maturantet duhet te plotesojne formularin, vetem pasi te jene konsultuar me koeficientet.