MOSKË – Putin pranon fajin rus në rrëzimin e aeroplanit në Azerbajxhan
MOSKË, 9 tetor /ATSH-AFP/ – Presidenti rus, Vladimir Putin për herë të parë ka pranuar se rrëzimi i një avioni të kompanisë ”Azerbaijani Airlines”, dhjetorin e kaluar, u shkaktua nga gabimet e mbrojtjes ajrore ruse dhe premtoi kompensim.
“Sigurisht, në raste të tilla tragjike, Rusia do të bëjë gjithçka që është e nevojshme në lidhje me kompensimin dhe do të ketë një vlerësim ligjor të veprimeve të të gjithë atyre që janë përgjegjës”, tha Putin në një takim me presidentin e Azerbajxhanit, Ilham Aliyev.
Rrëzimi i avionit në Kazakistan vrau 38 persona.
Mes viktimave kishte edhe 29 të mbijetuar në vendin e rrëzimit, pranë qytetit Aktau, në Kazakistan në detin Kaspik.
Sipas deklaratave të Kremlinit, Putin tha se ‘’hetimi kishte arritur në përfundimin se dy faktorë çuan në aksident, prania e një droni ukrainas në ajër dhe një mosfunksionim teknik në sistemin e mbrojtjes raketore të Rusis뒒.
”Dy raketa shpërthyen pranë avionit…, por pa një goditje të drejtpërdrejtë”, theksoi Putin.
Fluturimi i ”Azerbaijani Airlines” nga Baku ishte i drejtuar për në Grozni, kryeqytetin e Çeçenisë, ku njësitë ruse të mbrojtjes ajrore ishin aktive mes sulmeve me dronë ukrainas.
Pavarësisht dëmtimeve, avioni vazhdoi të fluturonte mbi detin Kaspik, por u rrëzua gjatë një uljeje emergjente në Aktau të Kazakistanit./ /os/