Madelein Albright nderohet me Medaljen e Lirisë

Presidenti i SHBA-së, Barack Obama, i ndau në Shtëpinë e Bardhë nderimin më të lartë kombëtar për civilët, Medaljen e Paqes, ish-sekretares amerikane të shtetit, Madeleine Albright.

“Madeleine Albright ka qenë e para femër sekretare e shtetit”, thuhet në arsyetimin për ndarjen e nderimit për Albrightin. Ajo u nderuar për meritat e saj gjatë kohës si sekretare e shtetit, për kontributin për zgjerimin e NATO-s, si dhe për luftën kundër terrorizmit dhe spastrimit etnik në Ballkan.

Në mesin e të nderuarve tjerë janë edhe ish-presidenti i Izraelit, Shimon Peres, si dhe astronauti John Glenn.

“Ata na kanë inspiruar dhe e kanë bërë botën një vend më të mirë”, thuhet në kumtesën e Obamës.