Majko: Betimi i deputeteve te PS, akt formal, jo celesi i zgjidhjes politike

Deputeti i Partise Socialiste, Pandeli Majko, deklaroi dje gjate nje emisioni televiziv se betimi i deputeteve te Grupit parlamentar Socialist ne Kuvend, eshte thjesht nje akt formal, pa asnje domethenie politike. I pyetur per mundesine e hyrjes ne Kuvend brenda 7 marsit, kur skadon edhe afati Kushtetues i mandatit te deputetit, zyrtari lart socialist tha se mandatet e socialisteve nuk do te digjen dhe deklaratat per zevendesimet e tyre, jane vjersha e presione. "Ceshtja e futjes ne Parlament, apo e betimit eshte nje akt formal pa asnje permbajtje qe nuk ka asnje domethenie ne politiken shqiptare. Ta ngresh kete akt formal si celes per zgjidhjen e politikes, nuk eshte ky celesi", u shpreh Majko, ne lidhje me hyrjen e deputeteve ne parlament. Sipas tij, ajo qe Partia Socialiste kerkon eshte nje negociate e mirefillte. Per sa i perket deklaratave te kryeministrit Berisha, se mandatet do te digjen ne rast se skadon afati, Majko i vleresoi keto deklarata si vjersha dhe presione. "Ajo qe do te kerkohet ne vazhdim dhe ceshtja e katastrofes humanitare, eshte nje menyre per te pare mundesine e ulje dhe per te diskutuar. Tani politika nuk ka vetem krize politike, por edhe katastrofe humanitare", theksoi zyrtari socialist. Sipas tij, nuk ka nje vendim per hyrjen ne Parlament. Ai tha se nese ka nje njeri qe zhvillon nje teke, eshte kjo menyre qe kryeministri Berisha realizon ne komunikimin me opoziten. Anetari i Kryesise se selise roze deklaroi se motivi tjeter per te hyre ne Parlament, eshte qe te shkojne ne Parlament dhe te bejne ate qe thote Berisha, por kjo gje nuk mund te behet kurrsesi. "Kjo do te thote qe konsensusi sipas tij, eshte qe te shkojme te bejme nje komision hetimor, qe nuk do te hetoje asgje dhe te votojme ate qe thote ai. Mendoj se sot, edhe pas kesaj katastrofe ka shume arsye qe te ulen te gjitha palet ne tryeze per te toleruar edhe leshuar. Me logjiken qe ne te hyjme ne Parlament dhe te bejme se cfare thote mazhoranca, nuk mund te behet", deklaroi Pandeli Majko.
BALANCIMI
"Opozita eshte perpjekur te balancoje kete histori. Eshte nje shtet qe ka frike te ballafaqohet me veten. Jane njerez te cilet jane te paafte per te shkembyer nje informacion dhe per te marre nje vendimmarrje me njeri-tjetrin. Megjithese ne flasim per President dhe kryeminister, ne kemi kryeminister qe flet si President",-tha Majko.