Malaj: Pse braktisa greven e urise Rozeta Rapushi

Deputeti socialist i njohur edhe si pjese e grupit te Levizjes per Mendimin Ndryshe brenda PS-se (LMN), Arben Malaj, braktisi dje ne diten e 15-te te saj, greven e urise. Me argumentin se duhet t'i nenshtrohet disa analizave mjekesore, Malaj la greven per t'ju perkushtuar shendetit, si kauze me e madhe se ajo e hapjes se kutive te votimit dhe transparences se votes. Por nuk e la ate duke u larguar me barele, por me deshiren e tij per arsye shendetesore. "Pas disa konsultave mjekesore dhe pas kerkeses se ekipit mjekesor te greves, u detyrova te nderpres greven dhe t'i nenshtrohem nje seri analizash mjekesore. Rregulli baze per te gjithe koleget e greves se urise, eshte respektimi i keshillave dhe kerkesave te mjekeve", sqaroi pas largimit nga greva deputeti Malaj, i cili beri te qarte se e mbeshtet greven e urise se deputeteve te PS-se dhe mbeshtetesve te saj. Po keshtu, ai shtoi se mbeshtet edhe kerkesen per transparence te procesit zgjedhor, kerkesen per zgjedhje te lira dhe te ndershme sipas standardeve me te mira. "Qellimi i greves se urise, eshte transparenca per nje te drejte jetike, misioni i saj fisnik synon ndergjegjesimin e te gjithe faktoreve politik dhe shoqeror, per deshtimet e perseritura te vendit, protestat e PS dhe grevisteve te urise do te jene vetem paqesore", theksoi Malaj. Sipas tij, arroganca, agresiviteti dhe brutaliteti publik e parlamentar, keqperdorimi politik i artisteve dhe intelektualeve te vendit tim, indiferenca dhe cinizmi deri cnjerezore, qe manifestojne edhe publikisht ndaj grevisteve te urise deputetet e mazhorances, jane provat reale te permasave te krizes njerezore dhe politike ne te cilen ndodhet kjo mazhorance. Nga ana tjeter, deputeti socialist hodhi poshte edhe deklaratat e disa politikaneve, se ka presione ndaj grevisteve per te vijuar greven e urise edhe kur kjo nuk keshillohet nga mjeket. Ndaj edhe sipas tij, dalja e tij nga greva, provon teresisht te kunderten. "Ndjehem i trishtuar per vuajtjet e cdo shqiptari nga deshtimi i kesaj mazhorance qe edhe pas dhjete muaj ngerci politik, me vetedije vazhdon te perkeqesoje situaten politike, ekonomike e sociale. Pasojat e kesaj situate politike jane nje kosto e rende per proceset integruese te vendit, kjo situate rrezikon te rrise efektet negative ne ekonomi, duke rritur papunesine, varferine e cdo shqiptari pavaresisht nga anetaresia partiake apo preferencat e tyre politike", vijoi ai. Ndryshe nga grupi tjeter i deputeteve, pjese e LMN-se, si Kastriot Islami, Marko Bello apo Ben Blushi, Malaj pranoi qe te marre pjese ne greve, ndonese jo ta vijoje per nje kohe te gjate ate.
Te larguar, 39
Ne diten e 15-te te greves se urise nje tjeter grevist ne gjendje te rende shendetesore eshte detyruar te nderprese greven. 28-vjecari Florian Shima, nga Tirana, i cili ka shfaqur komplikacione te renda ne stomak dhe luhatje tensioni. Stafi mjekesor qe kujdeset per grevistet, duke pare gjendjen e tij te renduar ka urdheruar dergimin e tij drejt spitalit infektiv, ne QSUT. Pas tij jane larguar Shefki Mullai 56 vjec dhe Merlind Prendi, 29 vjec, duke e cuar ne 38, numrin e atyre qe kane dale nga greva.
Berisha: "Largimi i Malajt, pune e Rames"
Kryeministri Sali Berisha, e shperfilli teresisht dje largimin e deputetit socialist Arben Malaj, nga greva e urise. Duke deklaruar se nuk eshte ne dijeni fare, se kush hyn e kush del nga tendat e greves, kryeministri u shpreh se duke qene se ai kend i vendit administrohet nga Edi Rama, nuk ka as interesin me te vogel, se cfare behet ne te. "Ai kend administrohet nga zoti Edvin Rama. Une nuk kam as edhe interesin absolut me te vogel, se kush hyn apo del, kush rri apo iken. Ato jane ceshtje te tyre. Per me teper, nuk kam degjuar as se ka dale, as se nuk ka dale", u shpreh kryeministri Berisha, pas braktisjes se greves se urise per arsye shendetesore nga deputeti Arben Malaj.