Mali i Zi se shpejti njeh Kosoven

Kryeministri i Malit te Zi, Millo Gjukanovic, ne nje interviste per gazeten boshnjake "Dnevni Avaz", ka thene se kur behet fjale per ceshtjen e Kosoves, Mali i Zi do te deklarohet duke i marre parasysh te gjitha rrethanat dhe nevojen per te ruajtur stabilitetin e brendshem. Por ai gjithashtu ka bere me dije se Mali i Zi do ta koordinoje politiken e tij te jashtme me BE-ne dhe NATO-n. Duke u pergjigjur ne pyetjen pse Mali i Zi nuk e ka njohur Kosoven, Gjukanovic ka thene se shteti i tij kujdeset per interesat e tij nacionale, ndersa ka shtuar se kundershtaret e tij politik po perpiqen qe te kategorizohen krahas interesave te huaja rreth kesaj ceshtjeje. Ai ka vleresuar se ceshtja e Kosoves "mund te shkaktoje stuhi brenda Serbise, por edhe ne mbare rajonin". Sidoqofte, Gjukanovic ka perseritur qendrimin se Mali i Zi eshte i orientuar per t'u bere pjese e BE-se dhe NATO-s, qe do te thote se bashke me keto organizata do t'i ndaje edhe qendrimet e politikes se jashtme. Mirepo, kreu i ekzekutivit te Malit te Zi ka sqaruar se keta hapa do te ndermerren duke i marre ne konsiderate edhe rrethanat e brendshme dhe nevojen per ta ruajtur stabilitetin e brendshem dhe te rajonit. Ai po ashtu ka vleresuar se Kosova eshte ceshtja e fundit e sigurise ne Ballkan, me zgjidhjen e se ciles po krijohen kushtet per fillimin e nje te ardhme me te mire evropiane per rajonin e Ballkanit Perendimor.