Maliq shiu shpeton nga atentati me eksploziv familjen e kryebashkiakut
Nje sasi lende plasese eshte gjetur ne banesen e kryetarit te Bashkise se Maliqit Gezim Topciu. Ka qene nje pako me peshe mbi 1 kilogram me lende plasese artizanale e paketuar dhe e mbeshtjelle me natriban dhe me fitil ndezes e cila eshte hedhur nga persona ende te paidentifikuar ne oborrin e shtepise private te kreut te bashkise.
Pakoja eshte gjetur ne oret e mesdites ne oborr nga nena e kryebashkiakut e cila e ka sinjalizuar per nje kuti te cuditshme qe ndodhej ne oborr. Vete kryetari i Bashkise se Maliqit nuk ka qene ne shtepi ne momentin kur eshte gjetur lenda plasese. Ai eshte njoftuar kur ka qene ne pune dhe menjehere ka shkuar ne shtepi ku ka konstatuar se behet fjale per nje sasi lende plasese.
Policia e Korces eshte njoftuar per kete rast rreth ores 1200 dhe pasi ka shkuar ne vendin e ngjarjes ka sekuestruar pakon e cila do ti nenshtrohet ekspertizes. Paraprakisht policia ka thene se pakoja e mbeshtjelle me leter dhe qese eshte lende plasese artizanale e perfituar nga perzierja e nitratit me nafte si ajo qe perdoret rendom ne shkaterrimin e bunkereve nga gjuetaret e skrapit.
Pakoja sipas Gezim Topciut mendohet se eshte hedhur gjate nates dhe eshte gjetur ne oborr nje dite me pas por fatmiresisht edhe pse fitili eshte tentuar te ndizet nga autoret nuk ka mundur te shpertheje pasi eshte lagur nga reshjet e shiut qe kane rene ne zone gjate nates.
Ai pretendon se ky sulm me eksploziv ka prapavije politike per shkak te fitores se tij ne zgjedhjet lokale ku doli me 187 vota me shume se kandidati rival duke marre keshtu mandatin e katert ne krye te Bashkise se Maliqit. Pakoja ka qene e mbeshtjelle me leter dhe me qese dhe kishte rrotull saj fitil. Ne pjesen e siperme fitili ka qene i ndezur por pakoja kishte rene ne nje vend me balte dhe uje dhe ndoshta per shkak te reshjeve nuk ka shperthyer. Nuk dihet se cfare lende eshte perdorur dhe kam bere denoncimin per policine. Une mendoj se kjo eshte e qellimshme per motive politike pasi nuk kam pasur kercenime apo konflikte. Kjo ka ndodhur pas fitores sime ne zgjedhjet per kryetar bashkie tha kryetari i bashkise Gezim Tocpiu.
Policia ka nisur hetimet per kete rast duke thene se ende nuk eshte percaktuar lloji i lendes plasese. Lenda qe eshte gjetur ne banesen e kreut te bashkise eshte derguar per ekspertize nderkohe qe policia ka thene se po punon per zbardhjen e kesaj ngjarjeje dhe gjetjen e autoreve. Sipas policise behet fjale per nje perzierje nitrati me nafte ndersa sasia ka qene nje kilogram dhe ne vendin e ngjarjes bashke me pakon eshte gjetur edhe 20 centimeter fitil zjarrpercjelles.