Mançester Siti shou, Arsenal e Totenhem fluturojnë
Një Manchester City me dy fytyra mundi Leicesterin dhe përpiqet të shtrihet në kryesimin e Premier League. Të besuarit e Guardiolës fituan 6-3, duke vuajtur më shumë se sa pritej në pjesën e parë, dhe fluturuan për një moment në +6 ndaj Liverpool të vendit të dytë. Cityzens dominuan në fillim të ndeshjes dhe pas 25′ ata e panë veten në avantazh 4-0: De Bruyne, Gündogan Sterling dhe Marez duket se e mbyllin ndeshjen shumë më përpara se skuadrat të shkonin në dhomat e zhveshjes. Në pjesën e dytë, City ul plotësisht kujdesin dhe Leicester rikthehet, duke përfituar nga kundërsulmi. Në dhjetë minuta Maddison, Lookman dhe Iheanacho firmosin një 4-3 të bujshme dhe trembin vendasit, të cilët reagojnë falë goditjes me kokë të Laportes dhe Sterling në minutën e 87-të. Dita e ‘Boxing Day’ i sjell Manchester Cityt fitoren e nëntë radhazi në Premier League, ndërsa Leicester vazhdon të qëndrojë në mes të tabelës.
Arsenali konfirmoi veten dhe siguroi fitoren e katërt radhazi në Premier League, duke fituar 5-0 përballë Norëich. Topçinjtë e çuan menjëherë ndeshjen në tatëpjetë, duke u zhbllokuar në 6′ me diagonalen e majtë të Sakës në fund të një aksioni të shkëlqyer koral. Odegaard është drita e londinezëve dhe në minutën e 43-të shpik asistin e dytë të ditës, duke parë përfshirjen e Tierney: anësori fluturon majtas dhe firmos 2-0. Goditja e Sakës, në gjysmën e pjesës së dytë, me një tjetër diagonale largon çdo dyshim për rezultatin e ndeshjes, më pas penalltia e Lacazette në minutën e 84-të dhe goli i Smith-Roëe në rikuperim, përfunduan rezultatin në 5-0 në finale.
Tottenham ka arritrur të marrë një fitore përballë Crystal Palace me një rezultat të pastër 3-0 dhe mbetet në ritëm të plotë për një vend në Champions League. Të besuarit e trajnerit Conte kaluan një pengesë të sikletshme, duke shënuar golin e parë pas gjysmë ore lojë me anë të Kanë, ndërsa dy minuta më vonë Lucas Moura dyfishoi. Ndërsa Zaha komplikoi gjithçka për Crystal me kartonin e dytë të verdhë që mori, në pjesën e dytë Son 74’ kompletoi suksesin 3-0.