Manchester City kalon me lehtësi pengesën Aston Villa

Shumë e lehtë për Manchester City-n, i cili mposhti Aston Villa 3-1 në Etihad. Gjithçka u vendos në pjesën e parë, me Qytetarët që e nisën shumë fuqishëm, duke kaluar në avantazh pas katër minutash falë goditjes me kokë të Rodrit. Të besuarit e Guardiolës dominuan pjesën e parë në të gjitha drejtimet, duke dyfishuar epërsinë në minutën e 39-të me goditjen e Gundogan në asistimin e Haaland. Në fund të fraksionit të parë vjen edhe 3-0: Mahrez në minutën e 46-të konverton penalltinë e fituar nga Jack Grealish.

Në pjesën e dytë, ndeshja dukej se do të zbehej, por në minutën e 61-të mysafirët shkurtuan distancën me diagonalen precize të Ëatkins. Skuadra e Emery fillon të shpresojë për një rikthim, por të njëmbëdhjetët e Guardiolës e menaxhuan mirë avantazhin, duke rrezikuar vetëm rikuperimin me Duran që godet traversën. Përfundoi 3-1, me Manchester Cityn duke u ngjitur në 48 pikë nga 22 ndeshje. Aston Villa mbetet në 28.