"Mandatin e dyte, investimet 5-fish"

Partia Demokratike hapi dje fushaten elektorale ne qytetin e Durresit. Kryetari i kesaj partie, njekohesisht dhe kryeministri i Shqiperise, Sali Berisha zgjodhi shetitoren "Taulatja" per te hapur fushaten, ne te cilen ishin te pranishem dhe 13 kandidatet per deputete te Qarkut te Durresit. Takimi eshte hapur nga kandidati qe kryeson listen e deputeteve per qarkun, Ferdinant Xhaferri, i cili tha se gjate ketij 4- vjecari, Partia Demokratike ka rritur te ardhurat e qytetit te Durresit, mireqenien dhe pagat e administratave. Nderkaq Xhaferri tha se te ardhurat ne doganen e Durresit ne krahasim me 2004 jane rritur me 40 per qind me shume, te ardhura keto qe jane investuar ne rruge, shkolla etj. Kryetari i PD-se, Sali Berisha ka theksuar qe ne fillim se ekipi prej 13 vetesh qe eshte perzgjedhur ne Durres eshte me i miri nga te gjitha partite, duke thene se eshte i bindur ne punen e tyre, si dhe ne fitoren me 28 qershor. Me tej Berisha ka folur me respekt dhe nderim te thelle per qytetaret durrsake, pasi "Durresi blu" i dha mazhorances mbeshtetjen e duhur te ndryshimit ne kater vite. Me pas kreu i mazhorances, ka thene se gjate mandatit kater vjecar, "ne shemben murin e krimit dhe korrupsionit", ndersa ka rikujtuar viziten historike te ish-presidentit te SHBA-se Xhorxh Bush. Nderkaq Berisha ka premtuar se me mandatin e dyte, Shqiperia do te renditet me e mira ne Ballkan, duke nenvizuar se vendi yne do te zere 10-teshen me te mire per luften kunder korrupsionit, vendin e 2-te per klimen e biznesit si dhe do te lere pas 126 vende te tjera, per cilesine e jeteses. "Ne u beme te besueshem ne bote dhe ne Evrope, pasi luftuam krimin e organizuar, luftuam korrupsionin ku ne kater vite shpetuam nga kthetrat e te korruptuarve 5 milion dollare", ka qene deklarata e Berishes. Teksa ka nenvizuar faktin se, kur bota eshte ne krize, ne kemi ekonomine me te mire duke u renditur te paret ne bote, kemi dyfishuar pagat, pensionet, kemi rritur mireqenien si dhe kemi sjelle 700 mije turiste, kemi asfaltuar 200 kilometra rruge Kavaje- Shijak - Durres, si dhe kemi shtruar ne te gjithe Shqiperine rreth 6 mije kilometra rruge. "Po ndertojme korridorin me te rendesishem ne rajon dhe sot, ne e nisim mandatin e dyte si vend anetar ne NATO si dhe kandidate per Bashkimin Evropian, per keto dhe te tjera ne duhet te votohemi, duhet te besohemi", deklaroj Berisha gjate fjales se tij. Gjithashtu kreu i partise Demokratike pohoj se kemi investuar 5.6 miliarde euro vetem ne gjashte muajt e fundit dhe te tjera investime do te kryhen ne mandatin e dyte. Berisha ne fjalen e tij, tha se ne kater vitet e ardhshme Durresi dhe Shqiperia, ne Evrope do te jete vepra e perbashket, duke premtuar se do te parakaloje 6 vendet kandidate per ne BE. Nderkaq Berisha iu premtoi te gjithe shqiptareve, se me mandatin e dyte do te investohen pese here me shume se ne katervjecarin e pare. Ndersa perfundoi duke i ftuar te gjithe qytetaret, te votojne kandidatet per deputetet e PD, duke thene se vota per ta do te thote vota per Bashkimin Evropian. Enkelejda Arapi