Maqedoni, Kisha Ortodokse drejt ndryshimit te emrit

Kisha Ortodokse Maqedonase ne mbledhjen e ardhshme qe do te mbahet ne Oher, planifikon ta miratoje amendamentin me te cilin "Arqipeshkevia e Ohrit" do te bashkohet ne emrin e Kishes Ortodokse te Maqedonise.

Burime qe i referohen KOM-se, bejne te ditur se zgjerimi i emrit te kesaj kishe do te ndodhe pasi te behen ndryshimet e kushtetutes te saj.

Perpos emrit, me ndryshimet e reja kushtetuese kishtare, do perfshihet edhe stema e Kishes Ortodokse Maqedonase, ne te cilen do kete motive nga kisha “Shen Sofia” qe ndodhet ne Oher.

Vendimi per ndryshimin e stemes dhe emrit te kishes, pritet te merren te premten qe vjen, kur edhe do mbahet kuvendi i kesaj kishe, e me te cilin shenohet 50-vjetori i kuvendit te pare popullor kishtare.

Nderkohe zedhenesi i Kishes Ortodokse Maqedonase, peshkopi Timotej, ka deklaruar se nuk do lejoje ne kete Kuvend te diskutohet per asgje tjeter dhe aq me pak per emrin e ri te kishes maqedonase. Ndryshe nga ai, profesori i Fakultetit Teologjik, peshkopi Stefan Bellcovski, ka deklaruar se propozimi per plotesimin e emrit eshte marre nga Sinodi i Kishes Ortodokse Maqedonase qe ne vitin 2005.

Sipas shtypit maqedonas, burime anonime kishtare, kane deklaruar se plotesimi i emrit te Kishes Ortodokse Maqedonase, duhet t’i paraprije ndryshimit te emrit te shtetit.