Maqedonia vendi me papunësi më të madhe në Evropë

Nga 27 vendeve anëtare dhe tre vendet kandidate, Maqedonia ka shkallën më të lartë të papunësisë. “Eurobarometër” është një sondazh sociologjik, i cili zhvillohet në çdo 6 muaj në vendet anëtare të BE-së dhe jep përfytyrim për mendimet e qytetarëve mbi probleme të rëndësishme të së tanishmes dhe së ardhmes së BE-së.Kjo anketë e fundit është realizuar në fillim të muajit qershor në vendet anëtare dhe vendet kandidate.

Anketuesit e vendeve anëtare kanë theksuar se kanë besim tek sistemi social i shteteve të tyre, që përkujdesen për të papunët në rast të thellimit të krizës, ndërsa shtetasit e Maqedonisë nuk janë të informuar për mekanizmat e mbrojtjes sociale në vende, nuk i dijnë të drejtat e tyre që i takojnë, në rast se ngelen pa punë. Shtetasit e Maqedonisë kanë besim të madh tek BE se do të sjellë siguri në sferën e punës dhe sigurimit social.(ina/start)