Marrëveshje mes policisë e Agjencisë Anti-Korrupsion

Me qëllim të parandalimit të krimit dhe korrupsionit në vend, Policia e Kosovës dhe Agjencia Kosovare Kundër Korrupsionit, nënshkruan një marrëveshje mirëkuptimi.

Behar Selimi, ushtrues detyre i drejtorit të policisë, tha se policia është e përkushtuar me ligj që të bashkëpunojë në çfarëdo rasti drejt luftimit të krimit të organizuar.

”Marrëveshja e thellon bashkëpunimin në mënyrë që të jemi më të fuqishëm në parandalimin dhe luftimin e krimit”, pohoi Selimi.

Sipas tij, çfarëdo informacioni që del nga policia do të bartet tek Agjencia lidhur me hetimin e rasteve të përfshira në afera korruptive, në mënyrë që të bartet tek Prokuroria drejt zgjidhjes së rasteve.