Marshimet ne Egjipt

Së paku gjashtë vetë janë vrarë dhe dhjetëra të tjerë janë plagosur në trazirat e fundit në Egjipt.
Këto vrasje ndodhën derisa mijëra mbështetës të presidentit të përmbysur, Muhammad Morsi, mbrëmjen e se premtes marshuan nëpër rrugët e kryeqytetit Kajro dhe disa rrethina te tjera ne Egjipt.

Raportohet se protestuesit e kanë preferuar organizimin e protestave  me numer te vogel njerezish por paralelisht ne shume qytete, në përpjekje për ta neutralizuar goditjen nga forcat e sigurisë.

Prej përmbysjes së Morsit, më 3 korrik të këtij viti, forcat e qeverisë, që mbështetet nga ushtria, gjatë trazirave i kanë vrarë qindra njerëz.
Forcat e sigurisë, poashtu, e kanë arrestuar pjesën më të madhe të liderëve të Vëllazërisë Myslimane të Morsit, në përpjekje për të ndalur tubimet ku kërkohet që ai të kthehet në presidencë.