Marshimi i PS ne 4 qytete, i qete

Mijera qytetare kane marre pjese ne demonstratat e zhvilluara nga opozita ne kater qytete te vendit, Tirana, Vlore, Lezhe dhe Korce. Ne oren 14:00 ne kane nisur marshimet e demonstruesve nga pika te vecanta te qyteteve per tu mbledhur ne qendra kryesore. Gjate zhvillimeve te aktiviteteve nuk jane shenuar incidente. Demonstrata ne Tirane ka nisur pak me vone se ne qytetet e tjera. Ne oren 14:30 qytetaret jane nisur nga sheshi perballe Muzeut Kombetar drejt "Rruges se Durresit" per te perfunduar marshimin tek "Zogu i Zi". Ne krye te demonstrates ka qene kreu i PS, Edi Rama. Ne qytetin e Vlores demonstrata e opozites kryesohej nga kryetari i Asamblese se PS-se, Gramoz Ruci dhe deputetet e tjere te qarqeve, Vlore, Fieri e Gjirokaster. Demonstruesit u nisen nga lagjja "Skele" e ketij qyteti dhe per rreth 1 ore kane vijuar marshimin ne qender te qytetit, ne vendin e quajtur "Sheshi i Flamurit". Organizatoret e demonstrates kishin marre masa per te mos lejuar incidente duke qendruar ne krye dhe ne anet rrugeve ku kalonin demonstruesit. Ne krye te qytetareve qendronte nje makine, nga e cila behej thirrje me altopolant kunder qeverise dhe mazhorances aktuale. Parullat e hedhura ne Vlore ishin, "zgjedhje te parakohshme" dhe kerkesa per dorezimin 6 gardisteve dhe zbardhjes se ngjarjes se dates 21 janar ne Tirane. Gjate protestes ne kete qytet nuk u shenua asnje incident. Policia kishte marre masa per qarkullimin e mjeteve, duke mos lejuar bllokimin e trafikut. Per rreth nje ore ka zgjatur demonstrata e opozites edhe ne qytetin e Korces. Qytetaret u grumbulluan fillimisht ne bulevardin "Republika" dhe me pas marshuan drejt sheshit "Ushtari i Panjohur". Ne krye te demonstruesve ishin deputetet e qarkut te Korces dhe te Elbasanit, Paneli Majko, Ben Blushi, Mimi Kodheli, Valentina Leskaj, Taulant Balla dhe drejtues te partive te koalicionit opozitar. Drejtuesit e aktivitetit kishin marre masa duke krijuar kordone ne krye te turmes per te shmangur incidentet e mundshme. Edhe ne qytetin e Lezhes demonstrata nuk u shenua me akte dhune apo incidente. Ne krye te qytetareve qendronin deputetet e qarqeve Lezhe, Shkoder, Diber e Kukes, si dhe perfaqesues te partive qe jane pjese e koalicionit opozitar. Demonstrata ne kete qytet zgjati per rreth 1 ore. Parullat qe mbanin ne dore qytetaret ishin te njejta me ato te qyteteve te tjera, ku kerkoheshin zgjedhje te parakohshme dhe gjetja e autoreve te demonstrates se dates 21 janar ne kryeqytet. Q.Xhani

Baraj: 40 mije qytetare te Tiranes, kerkuan largimin e Berishes
Deputeti i Qarkut te Tiranes, Besnik Baraj deklaroi dje se numri i pjesemarresve ne demonstraten e zhvilluar ne kryeqytet ishte 40 mije. Ne nje deklarate per mediat, duke hedhur poshte qendrimet e mazhorances ne lidhje me pjesemarrjen, Baraj u shpreh se demonstruesit deshmuan qytetari. "Sot (dje), rreth 40 mije qytetare te Tiranes, me marshimin e tyre ne te gjitha rruget e kryeqytetit, deshmuan se dhuna e Sali Berishes jo vetem nuk funksionon, por as mund ta trembe dhe as nuk mund ta ndaloje kete beteje historike te nje populli te tere te vendosur per te larguar Sali Berishen permes rezistences paqesore",-tha dje Baraj. Ai u shpreh se mesazhi i demonstrates se djeshme ne te gjitha qytetet ku u zhvillua ishte kunder qeverise. "Jo vetem 40 mije kryeqytetasit, por edhe mijera te tjere ne Lezhe, Korce e Vlore, dhane sot (dje) nje mesazh te qarte per te ashtuquajturin kryeminister",-tha Baraj.

Policia: 9100 demonstrues marshuan qete ne 4 qytete
Demonstratat e kater qyteteve te vendit jane zhvilluar ne menyre paqesore, nderkohe qe policia kishte marre masat per garantimin e tyre dhe mos bllokimin e trafikut ne qendrat e qyteteve. Ne perfundim te demonstratave, Drejtoria e Pergjithshme e Policise me ane te nje deklarate per mediat, deklaroi se demonstrata ne Tirane u zhvillua me pjesemarrjen e rreth 3000 protestuesve te ardhur nga qarku i Durresit. Ne qytetin e Vlores, demonstrata u zhvillua me pjesemarrjen e rreth 3500 protestuesve te ardhur edhe nga rrethet Fier, Berat, Gjirokaster dhe Sarande. Sipas policise ne qytetin e Korces ne demonstrate ishin te pranishem rreth 2000 qytetare dhe ne qytetin e Lezhes ishin te pranishem rreth 600 demonstrues.