Mashtrime online, per t'u pasuruar
Tirane-Nje fenomen jo i panjohur, ka "pushtuar" ditet e fundit celularet dhe posten elektronike te shume qytetareve. Nje numer i pafund, sms dhe e-maile, jane leshuar nga emra dhe numra te ndryshem personash te panjohur, te cilet ftojne qytetaret te pasurohen menjehere. Nese vazhdon "lojen", duke kontaktuar ne telefon me keta persona, apo ne e-mail, ajo qe do te kerkohet eshte numri i llogarise bankare, ku "bamiresit" te thone se do akordojne shumen e fituar. Pasi ke bere te gjithe hapat e kerkuara, ne fund do ta shohesh se e gjitha eshte nje mashtrim, ndersa aplikuesi eshte vec se pre e mashtruesve. Disa nga qytetaret, te cilet e kane pesuar nga kjo "loje", kane njoftuar autoritetet e policise. Pas evidentimit te disa rasteve te ketyre mashtrimeve, policia me qellim parandalimin e ketij fenomeni, ben publike disa te dhena mbi menyren se si realizohet ky mashtrim. Fillimisht qytetaret njoftohen permes mesazheve telefonike apo postes elektronike, se jane shpallur fitues te cmimeve te rreme, ne shuma te medha, me qellim perfitimin prej tyre ne menyre te paligjshme te parave, apo perdorimin e te dhenave te tyre personale, per qellime kriminale. Ne baze te hetimeve, rezulton se personat qe kryejne kete mashtrim, genjejne qytetaret nepermjet mesazheve telefonike dhe postes elektronike ne adresat e internetit, duke i bere te besojne se jane fitues te cmimeve te ndryshme, (deri ne 500.000 paund madje dhe me shume se kaq). Per ta bere te besueshme kete "llotari", mashtruesit perdorin si organizatore emra te kompani te tilla te medha, si kompania "Nokia", etj. Madje ata dergojne ne adresat e postes elektronike, fotografi dhe te dhena personale te personave te ndryshem, duke i bere qytetaret te besojne se jane presidente te fuqishem te kompanive te medha. Por sapo kryhet kontakti me keta persona, mashtruesit bindin "gjahun" se duhet te japin nje shume parash paraprakisht, ne forma dhe menyra te ndryshme, gjoja per te paguar taksa te llojeve te ndryshme, si DHL per dergesa apo dhe sherbime, etj. Komunikimet kryhen kryesisht ne gjuhen angleze, mes derguesit dhe aplikuesit. Nga hetimet, rezulton se ka pasur nje numer qytetaresh, te cilet e kane vazhduar deri ne fund "endrren" e tyre per t'u bere te pasur, por ne fund ka rezultuar se nga llogaria e tyre bankare, ka humbur nje sasi e mire parash. Ndersa te tjere qe e kane kuptuar qe ne fillim mashtrimin, e kane shperfillur "lojen" duke i fshire nga kutia elektronike keto e-maile, apo sms-te.