Mat ekzekutohen 3 persona
Zbardhet vrasja e tre personave në fshatin Fraks, të komunës Komsi në rrethin e Matit.
Mbrëmjen e djeshme janë vrarë me armë zjarri babai, nëna dhe djali i familjes Barçi. Viktimat janë Shaqir, Hamide dhe djali i tyre, Bledar Barçi.
Policia ndaloi autorët e vrasjes së trefishtë teksa tentuan të arratiseshin nga mali. Vëllezërit Dashamir Barçi 35 vjeç, Valter Barçi, 27 vjeç, dhe Durim Barçi 22 vjeç janë ndaluar nga forcat e rendit.
Policia dyshon se vrasja e trefishtë në Fraks ka ndodhur pas një konflikti pronësie.
Janë sekuestruar edhe armët e krimit, një automatik dhe një armë gjahu.