Mat, gjendet i vdekur një endacak, nuk dihen shkaqet

Një 37-vjeçar është gjetur i vdekur mëngjesin e sotëm në rrethin e Matit.
 

Ngjarja ka ndodhur në një fshat të thellë të këtij rrethi ku 37-vjeçari Rexhep Mani i cili ishte endacak është gjetur i vdekur në rrethana ende të paqarta.
 

Sipas policisë 37-vjeçari bënte jetën e endacakut që prej 10 vjetësh dhe ishte me probleme mendore.
 

Ndërkohë pritet përfundimi i ekspertizës për të zbardhur edhe shkaqet e vërteta të vdekjes së 37-vjeçarit.