Matematika, si te mos eliminohesh nga provimi

Sonila Isaku
Per vetem nje jave maturantet do te thirren te japin edhe provimin e dyte e te fundit, per sa u perket atyre me zgjedhje; provimin e Matematikes. Fondi prej 400 pyetjesh, do te jete ai qe do te perzgjedhin mesuesit e seleksionuar per t'u ngujuar ne Agjencine e Vleresimit te Arritjeve te Nxenesve, te cilet do te qendrojne te izoluar deri ne diten kur do te jepet provimi i Matematikes. Por Ministria e Arsimit ka sqaruar se cilat jane rregullat kryesore qe duhet te kete parasysh maturanti ne menyre qe ai te mos eliminohet nga provimi.
Rregullat
Ne teresi jane 13 raste, kur maturanti mund te humbase te drejten per te marre rezultatin e provimit, shtate prej te cilave e perjashtojne dhe 5 te tjera, te cilat i bejne "te ngurta" pergjigjet qe ka dhene gjate kater provimeve te Matures Shteterore. Maturantet do te perjashtohen nje vit nga provimi, ne rast kopjimi. "Maturanti nuk lejohet te beje perpjekje te fitoje ne menyre te padrejte informacion mbi permbajtjen e testit", - percaktohet ne rregulloren e te Matures Shteterore, sipas se ciles edhe ne rast se ai dergon dike tjeter per te plotesuar tezat e provimeve, nuk ka te drejte te jape provimet per nje vit. Gjithashtu, nxenesit ndalohen te japin ndihme, informacion dhe kopje me kandidatet e tjere e per me teper eshte i ndaluar edhe komunikimi i cfaredollojshem gjate provimeve. Po keshtu te tjera rregulla ta forta te cilat i perjashtojne nga provimi jane edhe kur maturanti merr me vete telefon celular, radio ose cdo mjet tjeter komunikimi ne mjedisin e provimeve. Rregullorja detyron maturantet qe te jene te pajisur me dokument identifikimi dhe te qendrojne ne vendin qe iu caktohet gjate provimit, ne te kundert ata do te perjashtohen menjehere, por do te kene te drejte te japin provimin vitin ne vijim. Maturantet duhet te perdorin ne provim vetem stilolaps me ngjyre te zeze ose blu dhe vizore, laps, gome - vetem per provimin e Matematikes, pasi ne rast se perdoret nje mjet tjeter, atehere atij nuk do t'i njihen rezultatet. Rezultatet e provimit nuk njihen ne rast se maturanti largohet nga mjedisi i provimit pa kryer procesin e sekretimit, si edhe kur shkruan ose demton kodin e sekretimit (barkodin) te vendosur ne test, sipas rregullores se Matures Shteterore
Teza
Teza e provimit te Matematikes eshte parashikuar me nje fond pyetjesh, ku 60 per qind e pyetjeve te jene nga temat tashme te shperndara ne programet orientuese per lendet e provimit. Profili i shkolles se mesme do te specifikoje edhe llojin e testit qe maturanti do te plotesoje ne diten e provimit. Po ne varesi te profilit eshte detajuar edhe shkalla e veshtiresise se pyetjeve. Bazuar ne skemen hartuese per cdo linje te permbajtjes, do te perfshihen kerkesat e tri niveleve te veshtiresise, ne raportet 2:2:1 (duke filluar prej nivelit minimal). Pyetjet e testit do te jene dy llojesh: me zgjedhje te shumefishte dhe me shtjellim te argumentuar.

Pergjigjet e provimit per maturantet
Celesi i pergjigjeve zyrtare do te jepet menjehere nga Ministria e Arsimit, pak ore pasi perfundon provimi. Nderkohe qe korrigjimi i testit duhet te kryhet brenda 15 diteve nga perfundimi i provimit te matures. Testi i korrigjuar do t'u jepet kandidateve pas kerkeses se tyre, vetem kundrejt nje pagese prej 400 lekesh te reja. Kete vit, ne rast se maturantet verejne korrigjim te gabuar te testit nga ana e vleresuesve, nuk do te kene te drejte te apelojne korrigjimin prane AVA-s, per shkak te sistemit te ri. Rregullat per qendrimin ne mjediset e AVA-s gjate hartimit te tezave te provimeve, si edhe gjate korrigjimit te testeve jane te rrepta. Ne mjediset e agjencise nuk do te lejohet te qendroje vetem nje person e, per me teper, nuk do te lejohet mbajtja e mjeteve per komunikim. Nderkohe qe ne rast se nje prej materialeve te konsideruara "te rezervuara" behet i ditur ne publik, te gjithe personat pergjegjes do te ndiqen penalisht.