Matura Shtetërore, 52 mijë maturantë i nënshtrohen testit të Gjuhë-Letërsisë

Tiranë- 52 mijë maturantë nga gjimnazët në të gjithë vendin i nënshtrohen sot provimit të parë të Maturës Shtetërorë, atij të Gjuhës Shqipe dhe Letërsisë.

Provimi nisi në orën 10:00 dhe zgjat deri në 13:30. Maturantët duhet të paraqiteshin 1 orë e 30 minuta përpara. Përgjigjet e testit do të merren pas 15 ditësh.

Ministria e Arsimit dhe Shkencës tha se ka shpenzuar 120 milionë Lekë për të vendosur pajisje që bllokojnë valët në ambientët ku zhvillohet provimi, në mënyrë që të shmangen kopjet.

Ndëkrohë më 14 qershor maturantët do ti nënshtrohen testit të  Matematikës dhe më 29 qershor lëndëve me zgjedhje.