Matura, publikohen rezultatet e testit të matematikës

Matura shtetërore u përmbyll me sukses. Drejtori i Përgjithshëm i Agjencisë Kombëtare të Provimeve, Alfons Harizaj deklaroi se rastet e mundshme të kopjimit në provime apo arrestimet e mësuesve nuk e cënuan procesin. Sipas Harizaj të gjitha rastet e shkeljeve do të verifikohen dhe do të ndëshkohen në mënyrë individuale.
 

Ndërkohë Ministria e Arsimit dhe Shkencës ka publikuar rezultatet e provimit të matematikës për të gjithë maturantët. Maturantët mund ta gjejnë rezultatin që kanë marrë në provimin e matematikës, provimit të dytë të detyruar të maturës shtetërore në adresën mash.gov.al.

Gjithashtu është bërë me dije se ditën e hënë nis dhe korigjimi i provimit të lëndëve me zgjedhje, ndërkohë që në fillim të javës del dhe Formulari A2 për të gjithë maturantët që do të aplikojnë për në universitet.