Matura shtetërore, interes nga maturantët për të ndjekur konsultimet

Maturantet janë pushtuar nga ethet e provimeve .Edhe pse kanë mbetur edhe 4 muaj kohë  ata ndihen të emocionuar dhe mjaftueshëm të përgatitur për të hedhur hapin vendimtar atë të testimit të njohurive të 12 viteve shkollim.

 “3 vite gjimnaz jemi duke i mbyllur dhe normal që kemi emocione”, tha një nxënës.

Mësuesja e matematikës në shkollën “Qemal Stafa“ Marjeta Manja  sqaron se interesi për zhvillimin e orëve të konsultimeve është i lartë dhe se ata përgatiten kryesisht mbi ushtrimet e publikuara nga Qendra e Shërbimeve arsimore.

“Përqendrohemi edhe tek ushtrimet me alternativa edhe tek ato me shtjellime, javën e kaluar punuam me modelin test që ka dal nga QSHA”, tha mësuese Marjeta Manja.

Për sa i takon vështirësisë se testit ashtu si ka ndodhur edhe vitet e tjera ai do të jetë i hartuar sipas 3 niveleve. Niveli I fundit do të jetë ai që do të  ndaj nxënësit e 9-ës nga të 10-ës.

/RTSH/