Maturantet jashte shtetit, si mund te aplikojne
Luljeta Ndoka
Te gjithe maturantet qe kane kryer shkollen e mesme jashte shtetit, do te mund te behen pjese e universiteteve tona, pasi te kene kryer nje sere procedurash. Behet fjale per ekuivalentimin e defteses dhe dhenien e provimeve me zgjedhje. Ky i fundit eshte kushti kryesor qe i sjell ata drejt 11 universiteteve publike te Shqiperise. Per kete kategori, Ministria e Arsimit dhe e Shkences ka nxjerre nje udhezim, i cili sqaron procedurat se si duhet te veprojne maturantet qe e kane kryer shkollen e mesme jashte vendit.
"Shtetasit shqiptare qe kane perfunduar arsimin e mesem jashte shtetit dhe kane dhene provimet ekuivalente me Maturen Shteterore (provime te detyruara D1 e D2 dhe provime me zgjedhje Z1 e Z2), pranohen ne shkollat e larta publike, mbi bazen e pikeve qe llogariten sipas notave te marra", thote pika 1 e udhezimit. Pra, nese jashte vendit jane dhene provime ne baze te se njejtes logjike, atehere kandidatet mund te pranohen, pasi t'u jene llogaritur piket. Ndersa per kategorine tjeter, e cila ka kryer arsimin e mesem jashte shtetit, por ama nuk ka dhene provimet ekuivalente me Maturen Shteterore (provimet me detyrim D1 e D2 dhe provimet me zgjedhje Z1 e Z2), per t'u pranuar ne shkollat e larta publike, duhet te japin provimet me zgjedhje.
Per sa u perket ketyre shtetasve, jane marre tashme masat ne menyre qe te mos perseriten "incidente" si te vitit te kaluar, kur u hasen probleme me kete kategori nxenesit. Keshtu, sivjet ne Ministrine e Arsimit dhe Shkences do te ngrihet nje komision i posacem per ekuivalentimin e kerkesave te shtetasve shqiptare qe kane kryer shkollat e mesme jashte shtetit dhe do te japin provimet e Matures Shteterore 2008. Komisioni i posacem, pasi njeh vlefshmerine e defteses shkollore, percakton mbi bazen e dokumentacionit te paraqitur nga shtetasi, nese provimet e dhena qe figurojne ne diplomen perfundimtare jane ekuivalente me Maturen Shteterore. Per rastet kur provimet e dhena jane ekuivalente me Maturen Shteterore, komisioni i posacem ben perllogaritjen e notes mesatare te viteve te shkollimit, percakton notat e provimeve te detyruara (D1 dhe D2) dhe notat e provimeve me zgjedhje (Z1 e Z2) si dhe njofton shtetasit per te plotesuar formularin A2 deri me 30 Qershor 2008.