Mbeten pa paga punonjësit e Kryeministrisë

Rast unikal e cilësojnë  punonjësit e kryeministrisë. Pas katër vitesh  të rregullta , në datat fikse, administrata e Kryeministrisë nuk ka marrë akoma rrogat.

Zakonisht pagat  u janë hedhur në  datat 27-28 të muajit që u takonte, por për korrikun, kur dje ishte data 2 gusht, në bankomat  nuk kishte asnjë  shënjë lekësh të reja. Teksa kanë kërkuar sqarime nga Ministria e Financave, iu është dhënë  përgjigjia  se  ka problem teknik të Thesarit.

Administrata e kryeministrisë numëron  rreth 128 punonjës , me një fond mujor  pagash prej afro 100 mijë dollar. Në rang vendi janë rreth  90 mijë  punonjës  buxhetorë, kurse fondi mesatar mujor i pagave  është rreth  60 milionë  dollar.

Siç shkruhet në gazetën Shqip gjendja me arkën e  shtetit  nuk është e mirë, për të mos thënë më keq se dhjetë vitet e fundit të matura nga Ministria e Financave.

Nga tatimet dhe doganat janë arkëtuar  rreth 100 milionë dollar më pak se viti 2012, një rekord ky negative. /A.XH