Mblidhte krom per te mbajtur familjen, fadroma plagos nenen e kater femijeve

BULQIZE- Mblidhte krom te cilin e shiste me pas tek firmat private, aksidentohet rende nga fadroma nena e kater femijeve. Ngjarja ka ndodhur mesditen e djeshme ne minieren e Bulqizes, kur 45-vjecarja Marjana Rushiti eshte plagosur me rrezik per jeten. Shkak eshte bere nje pakujdesi e drejtuesit te fadromes se firmes private qe po grumbullonte materiale ne grumbullin e stokut te kromit. Mjeti i rende e ka zene nen vete nenen e kater femijeve, e cila nuk e ka pare. Burime te policise vendore konfirmuan lajmin dhe bene me dije se nisen hetimet duke pyetur deshmitaret e shumte dhe drejtuesin e fadromes. E plagosura u dergua fillimisht ne spitalin e qytetit dhe me pas per ne Spitalin Ushtarak te Tiranes, pasi gjendja per jeten ka qene kritike. Mesohet se 45-vjecarja shkonte pothuajse perdite ne stoqet e kromit per te mbledhur mineral, me fitimet e te cilit siguronte te ardhura per te mbajtur familjen. Sipas policise, ne castet e aksidentit, fadroma ishte duke pastruar materialet ne zone dhe shoferi i saj eshte marre nen hetim ne gjendje te lire deri ne zbardhjen e plote te ngjarjes. Sipas deshmitareve, gruaja ka gjetur nje vend ku mund te nxirrte me lehte mineralin e kromit dhe nje moment pakujdesie e ga goditur fadroma qe po mblidhte materialet. Policia e cilesoi ngjarjen aksidentale, gjithsesi po heton edhe pisten e shkeljes se rregullave ne pune.
Precedentet
Ngjarja e djeshme eshte rasti i katert brenda muajve maj-qershor ne zonen e Bulqizes, Martaneshit dhe te Mirdites, ku minatore apo banore te zonave jane plagosur ne galerite e nendheshme duke nxjerre apo mbledhur material kromi. Ne tre raste kane qene minatore te firmave dhe ne nje tjeter banore.