Mblidhte skrap ne nje germadhe humbet jeten adoleshenti 16-vjecar

Nje 16-vjecar nga Vlora ka gjetur vdekjen pasditen e sotme teksa ishte duke mbledhur skrap duke mbledhur hekur ne germadhat e vjetra te ish-Fabrikes se Llampave ne zonen e pyllit te Sodes.

Godina trekateshe ne te cilen ndodhej Ilmi Canaj ka sherbyer ne periudhen e viteve te para 90-s si perpunues i lendes se pare te qelqit per prodhimin e llampave.
Sipas te dhenave te para 16-vjecari prej disa kohesh shkonte ne kete zone per te mbledhur hekur dhe materiale te tjera te cilat i shiste me pas per te siguruar jetesen.
Canaj ishte banor i ri ne zonen prane Pyllit te Sodes. Mesohet se viktima ishte duke goditur ne pjesen e siperme te godines dhe me pas ajo eshte shembur duke i marre tragjikisht jeten.

Menjehere ne vendin e ngjarjes kane mberritur forcat e policise dhe ato te zjarrfikeses qe kane ndihmuar per nxjerrjen e trupit te 16-vjecarit. Fillimisht eshte menduar se brenda germadhes ka pasur te tjere femije por nga deshmia e banoreve te zones eshte theksuar se Canaj ishte i vetem ne momentin e shembjes se godines.