Mbushet me rere argjinatura e Zaranikes
ELBASAN - Reshjet e panderprera po e rendojne situaten ne Elbasan. Perroi i Zaranikes vazhdon te kete prurje te shumta uji te cilat bejne qe shtrati i tij te jete i frikshem dhe mund te shkaktoje ne cdo moment ndonje carje te plote te argjinatures. Ne rast se ndodh kjo uji mund te perfshije te gjitha banesat qe ndodhen pergjate shtratit te tij. Nderkaq vendi ku argjinatura eshte shembur ne fillim te javes perben rrezik per qindra familje qe jetojne ne lagjen NSHU pasi ajo vazhdon te gerryhet. Qe nga dita e hene kur ndodhi permbytja masive ne Elbasan bashkia e qytetit ka shkarkuar aty dhjetera makineri te tonazheve te renda me inerte te cilat sherbejne per te parandaluar gerryerjen. Frika nga Zaranika ka bere qe dje ne mbremje pas nje stuhie me shi e bresher disa banore te braktisin shtepite e tyre pas fryrjes me shpejtesi te perroit. I njejti shqetesim ekziston dhe me dy perrenjte e tjere ate te Kushes dhe ate te Manazeres qe rrjedhin ne periferi te qytetit te Elbasanit. Per sa i perket gjendjes se rrugeve automobilistike ne qark gjendja e tyre eshte e mire por ne rast moti me reshje dhe ne kohe me erera te forta rruget mbushen me gure qe bien nga lartesite. Ky problem eshte shfaqur ne rruget Elbasan-Tirane Elbasan-Peqin Elbasan-Librazhd. a.k