Medvedev, trajner hokeji ne Lituani

VILNIUS - Zgjedhesit ruse, te cilet shkuan te dielen prane kutive te votimit per te zgjedhur presidentin e tyre, ndoshta nuk e dine, por Dmitri Medvedev dhe bashkeshortja Svetlana jetojne te lumtur ne Lituani dhe nuk kane nder mend te largohen nga ky vend anetar i Bashkimit Evropian. Do te ishte akoma me e habitshme po te mesonin, se Dmitri Medvedev nuk interesohet aspak per politike dhe eshte i kenaqur me punen, qe ka aktualisht si trajner i kombetares se Lituanise ne hokej.

"Jam i lumtur per ato qe kam, per punen, familjen, per vendin ku jetoj", deklaroi dje Dmitri Medvedev, qytetar lituanez me origjine bjelloruse, banor ne nje qytet te vogel ne pjesen qendrore te vendit. "Por, duhet te mesohem me idene, se kam te njejtin emer me presidentin rus", shtoi me tej ai. Dy Medvedevet kane pothuaj te njejten moshe: trajneri lituanez ka lindur ne janar 1967, ndersa presidenti rus ne shtator 1965. Perkimet nuk mbarojne me kaq, meqe bashkeshortja e Medvedevit trajner, e cila punon parukiere, ka emrin Svetlana si bashkeshortja e Medvedevit president. Medvedevi lituanez dyshon, se mos eshte i aferm i kryetarit te shtetit rus meqe mbiemri i tyre eshte shume i perhapur. "Sigurisht, do te ishte e kendshme po te kishim nje lidhje te tille familjare", - tha ai.