Privatizimi i INSIG, rishtyhet afati
Afatet ligjore per privatizimin e kompanise shteterore te sigurimeve, INSIG jane shtyre deri ne fund te dhjetorit te ketij viti. Sipas ligjit aktual shitja duhej te ishte kryer deri ne fund vitit 2007, por tenderi nuk ka arritur te organizohet. Komisioni parlamentar i Ekonomise dhe Finances, pasi miratoi afatet e reja te shitjes se kompanise se vetme publike te sigurimeve, ka rikonfirmuar edhe njehere formulen e shitjes, sipas se ciles, 61 per qind e aksioneve u ofrohen per shitje i investitoreve strategjik, te cilet perzgjidhen ne baze te procedurave te percaktuara nga Ministria e Financave, me tender te hapur nderkombetar, brenda dates 31 dhjetor 2008. Ne nentor te vitit 2006, parlamenti shtyu afatin e shitjes se 61 per qind te aksioneve te INSIG edhe per nje vit tjeter, duke lene si afat final per perfundimin e ketij procesi dhjetorin e vitit 2007. Por shitja e ndermarrjes shteterore te sigurimeve nuk ka mundur te kryhet edhe gjate vitit qe shkoi. Keshtu qeveria dhe Ministria e Financave para se te hapin procedurat per shitjen e kompanise ndermoren me procedura te pershpejtuara nje ligj formal per shtyrjen e afateve te shitjes, te pakten edhe nje vit tjeter. Burimet nga Ministria e Financave bejne me dije se procesi i privatizimit te kompanise eshte ne fazen e perzgjedhjes se kompanise qe do te vleresoje asetet. Pasi te shqyrtohet dokumentacioni i kompanive te vleresimit, do te perzgjidhet kompania me oferten me mire shpjegojne te njejtat burime. Procesi i perzgjedhjes se kompanise qe do te skanoje gjendjen financiare te kompanise shteterore te sigurimeve pritet te perfundoje ne prill te ketij viti. Nderkohe qe i gjithe procesi i vleresimit te aseteve pritet te perfundoje brenda gjashtemujorit te pare te vitit. Ne gjashtemujorin e dyte te ketij viti parashikohet te hapet tenderi per shitjen e kompanise ne nje gare nderkombetare. Privatizimi i INSIG, i planifikuar ketu e tre vite me pare, nuk ka arritur te realizohet, se nuk ka pasur i interesime te favorshme, duke bere qe privatizimi i INSIG-ut te shtyhet per kete vit, pohuan burimet brenda kompanise.
Pervec INSIG-ut, ofrojne sherbimet e sigurimeve edhe 9 kompani te tjera. Konkurrenca ne kete drejtim ka bere qe kompania shteterore e sigurimeve, INSIG, te humbe pozicionin lider ne treg. Aktualisht, 39 per qind e aksioneve te INSIG-ut jane ne pronesi te Bankes Evropiane per Rindertim dhe Zhvillim (BERZH) dhe Korporates Financiare Nderkombetare (IFC), ndersa pjesa tjeter, 61 per qind e ofruar per shitje eshte nen administrimin e shtetit.