Megjithatë, nuk vjen
Vjen, nuk vjen, vjen, nuk vjen. Loja me koncertin e Ramazzottit si duket ka marrë fund. Përfundimisht, këngëtari italian nuk do të mbajë koncert në Prishtinë. Kështu ka njoftuar zyra për informim e kompanisë UBBOSS, e cila e kishte marrë përsipër organizimin e këtij koncerti.
Kësaj radhe nuk bëhet fjalë për ndonjë mosmarrëveshje vendore, por për shkak se nuk mund të gjendet një produksion i përshtatshëm për datën e re të koncertit, i cili ishte paraparë të mbahej më 9 gusht.
“Me keqardhje ju njoftojmë se përkundër përpjekjeve tona për të rikthyer koncertin e Eros Ramazzottit në Prishtinë - edhe pas konfirmimit të dytë më 9 gusht, sot kemi pranuar një informatë nga menaxhmenti i artistit se e kanë shumë të vështirë të gjejnë një produksion të përshtatshëm teknikisht dhe financiarisht për datën e re të koncertit”, thuhet në lajmërimin e zyrës për informim të kompanisë UBBOSS.
Produksioni i kontraktuar për datën 30 korrik, i cili nuk u lejua të futet në stadium, e ka të pamundur të vijë më 9 gusht.
“Menaxhmenti i artistit është munduar të gjejë një produksionin tjetër, dhe sot na është konfirmuar se nuk kanë arritur të gjejnë asnjë produksion që do të mund të realizonte koncertin në datën e re”.
Si pasojë e kësaj, përpjekjet për ta sjellë Ramazzottin në Prishtinë kanë dështuar. “Përfundimisht koncerti në Prishtinë është anuluar” është përgjigjja që kjo kompani ka marrë nga menaxhmenti i artistit.
Turneu i tij veror mbaron më 15 gusht në Monte Carlo dhe kompania UBBOSS mbetet me shpresë se vitin tjetër do të ketë mundësi ta sjellë këngëtarin italian në Prishtinë. Ndoshta!
Kësaj radhe nuk bëhet fjalë për ndonjë mosmarrëveshje vendore, por për shkak se nuk mund të gjendet një produksion i përshtatshëm për datën e re të koncertit, i cili ishte paraparë të mbahej më 9 gusht.
“Me keqardhje ju njoftojmë se përkundër përpjekjeve tona për të rikthyer koncertin e Eros Ramazzottit në Prishtinë - edhe pas konfirmimit të dytë më 9 gusht, sot kemi pranuar një informatë nga menaxhmenti i artistit se e kanë shumë të vështirë të gjejnë një produksion të përshtatshëm teknikisht dhe financiarisht për datën e re të koncertit”, thuhet në lajmërimin e zyrës për informim të kompanisë UBBOSS.
Produksioni i kontraktuar për datën 30 korrik, i cili nuk u lejua të futet në stadium, e ka të pamundur të vijë më 9 gusht.
“Menaxhmenti i artistit është munduar të gjejë një produksionin tjetër, dhe sot na është konfirmuar se nuk kanë arritur të gjejnë asnjë produksion që do të mund të realizonte koncertin në datën e re”.
Si pasojë e kësaj, përpjekjet për ta sjellë Ramazzottin në Prishtinë kanë dështuar. “Përfundimisht koncerti në Prishtinë është anuluar” është përgjigjja që kjo kompani ka marrë nga menaxhmenti i artistit.
Turneu i tij veror mbaron më 15 gusht në Monte Carlo dhe kompania UBBOSS mbetet me shpresë se vitin tjetër do të ketë mundësi ta sjellë këngëtarin italian në Prishtinë. Ndoshta!