Merk, gjyqtari më i mirë i shekullit XXI

Ish referi gjerman Markus Merk është mbret i gjyqtarëve në shekullin XXI. Këtë vlerësim e ka dhënë të mërkurën Instituti Ndërkombëtar për Histori dhe Statistika të Futbollit (IFFHS), i cili e ka publikuar renditjen e gjyqtarëve më të mirë në botë në bazë të votave vjetore, për periudhën nga viti 2001 deri më 2011.

Merk, me 135 pikë, gjendet përpara jug-amerikanëve, uruguaianit Jorge Luis Larrionda, i dyti me 108 pikë dhe kolumbianit Oscar Julian Ruiz, i treti me 104 pikë. Gjyqtari historik dhe i paharrueshëm belg Frank de Bleeckere është dashur të kënaqet me pozitën e katërt, përpara zviceranit të njohur Massimo Busacca.

Legjenda e gjyqtarëve, italiani Pierluigi Collina, i cili u pensionua vite më parë, ka përfunduar në pozitën e shtatë, prapa sllovakut Lubos Michel.

Renditja

1. Markus Merk 135 pikë

2. Jorge Luis Larrionda 108

3. Óscar Julián Ruiz 104

4. Frank De Bleeckere 98

5. Massimo Busacca 96

6. Lubos Michel 96

7. Pierluigi Collina 94

8. Roberto Rosetti 91

9. Kim Milton Nielsen 84

10. Howard Webb 80

11. Manuel Mejuto Gonzalez 73

12. Anders Frisk 70

13. Graham Poll 70

14. Héctor Walter Baldassi 68

15. Urs Meier 65