Merkel kërkon unitet në koalicionin e saj

"Kemi pritur 11 vjet mundësinë e formimit të një koalicioni mes Bashkimeve të krishtera, CDU/CSU dhe FDP-së, parti liberale. Do të ishte një ironi e fatit nëse nuk e përmbushim këtë mission. Duhet të bashkojmë interesat dhe të bashkëpunojmë për t'i bindur njerëzit lidhur me politikën tone si dhe të zbatojmë së bashku vendimet e marra nga qeveria" deklaroi kancelarja gjermane në një mbledhje me zyrtarë të partisë së saj kristiandemokrate në Berlin.

Koalicioni i Merkel vazhdon prej muajsh të ketë mosmarrëveshje, si lidhur me çështje buxhetore, me një reformë të madhe shëndetësore, energjinë bërthamore dhe së fundi debatin për zgjedhjet presidenciale.