Afganistan,5 të vdekur dhe 24 të plagosur në tre atentate

Ministria e Brendshme afgane njoftoi sot se shpërthimi i një rakete në provincën lindore të Nagarharit i mori jetën dy fëmijëve dhe plagosi katër të rritur, ndër të cilët tre gra.

Ndërsa në provincën jugore të Helmandit, dy bomba shpërthyen paralelisht. "Bombat u aktivizuan në distancë", deklaroi Daoud Ahmadi, zëdhënësi i qeverisjes lokale. Për pasoje humbën jetën tre civilë, ndër të cilët një fëmijë 12 vjeçar, dhe 15 të tjerë u plagosën.

Ahmadi shton se vetëm "Disa minuta më vonë, një tjetër bombë shpërtheu pranë një shkolle, duke plagosur pesë persona, ndër të cilët tre të mitur".