Messi e meriton Topin e Artë
Messi, 24 vjeç, do ta kuptojë të hënën pas ndarjes së çmimit në ceremoninë në Zurich nëse është bërë futbollisti i parë pas Michel Platinis, që fiton tri herë me radhë Topin e Artë.
“Është e qartë, Messi. Ai tashmë disa vite është duke luajtur në shkallë të lartë. Dhe Leo është më i miri në botë”, tha Pique gjatë një interviste të publikuar në të përditshmen katalan La Vanguarida të dielën, i pyetur se kush e meriton ta fitojë çmimin.
“Ai është duke e udhëhequr këtë ekip në njërin prej më të mirëve në histori. Falë tij ne kemi fituar shumë tituj. Është kënaqësi që e kemi me ne, ai luan sikurse kur ishte 13 vjeç, përveç se tani e bën në mënyrë profesionale dhe përballë futbollistëve më të mirë. Ne vetëm shpresojmë që ai të mbajë këtë shkallë për sa më gjatë që është e mundur”, shtoi Pique.
Messi fitoi çmimin inaugurues FIFA Topi i Artë – kombinim i Topit të Artë të France Footballit dhe çmimit të Futbollistit më të mirë të vitit në botë nga FIFA – vitin e kaluar, duke i marrë të dyja më 2009.
Në konkurrencën me yllin e Barcelonës kësaj radhe janë bashkëlojtari i tij Xavi dhe sulmuesi i rivalit Real Madrid, Cristiano Ronaldo, fitues i Topit të Artë më 2008.