Meta : Një grupi i strukturuar kriminal po qeveris vendin!

Presidenti shqiptar Ilir Meta ka sulmuar qeverinë e kryeministrit Edi Rama, duke e konsideruar atë si një grup kriminal që po qeveris Shqipërinë.

Zoti Meta ka shprehur shqetësimin e tij se me kapjen e reformës në drejtësi, nuk mund të luftohet korrupsioni. 

“Nëse kapet Reforma në Drejtësi, siç është kapur, kush do ta luftojë korrupsionin? Si do të luftohet korrupsioni? ” shkruan ai në një status në rrjetin social Facebook.

“Mjafton të shikoni vetëm aferën e inceneratorëve, 430 milion euro të paguara nga taksapaguesit shqiptarë dhe do të kuptoni se çfarë grupi i strukturuar kriminal e qeverisë këtë vend” shkruan më tej ai. 

Për kreun e shtetit shqiptar “Natyrisht hetimet nuk mund të ecin dhe të shkojnë atje ku është burimi i problemit, në selinë e Këshillit të Ministrave”.