Meta: 16 vjeçarët e meritojnë të votojnë e të marrin përgjegjësitë e tyre

Wollfarth: Të diskutohet për zgjedhjet e ardhshme

Lëvizja Socialiste për Integrim shprehet në mbështetje të propozimit të Kryeministrit Berisha për përfshirjen në votime të të rinjve që kanë mbushur moshën 16 vjeç.
Një konfirmim i tillë u bë i ditur nga vetë kreu i LSI-së, Ilir Meta, gjatë një konference për shtyp, të mbajtur pas takimit që zhvilloi me përfaqësuesit e misionit të ODIHR.
“16 vjeçarët e meritojnë të votojnë dhe të marrin përgjegjësitë e tyre. Ata kanë gjithë informacionin e duhur për të bërë zgjedhjen e drejtë. LSI është e para forcë politike që ka anëtarësuar në moshën 16 vjeç. Në të ardhmen 16 vjeçarët duhet të jenë pjesëmarrës me votën e tyre”, vuri në dukje Meta.
Njëkohësisht, kreu i LSI-së u ndal dhe në bashkëpunimin me aleaten e saj kryesore në koalicionin qeverisës.
“Do të respektojmë çdo marrëveshje, më rëndësi është bashkëpunimi për votimin e tre ligjeve të integrimit”, u shpreh Meta.

Kreu i prezencës së OSBE-së
Nga ana e tij, ambasadori i OSBE-së në Tiranë, Eugen Ëollfarth është shprehur se nisma e mazhorancës duhet më parë të diskutohet dhe më pas mund të realizohet në zgjedhjet e vitit 2017. “Është e pamundur që kjo të realizohet në zgjedhjet e këtij viti. Nisma të diskutohet për t’u realizuar në zgjedhjet e vitit 2017”- vlerësoi ambasadori.