Meta-Ademi: Bashkepunim mes Shqiperise e Maqedonise, per minimizimin e demeve

Zevendeskryeministri dhe ministri i Puneve te Jashtme, Ilir Meta, priti dje ne Shkoder zevendeskryeministrin e Maqedonise, Abdylaqim Ademi, i cili po zhvillon nje vizite ne vendin tone per te pare nga afer situaten e emergjences se krijuar si pasoje e permbytjeve. Numri dy i qeverise falenderoi homologun e tij maqedonas ne emer te qeverise shqiptare per ndihmen e dhene nga qeveria dhe autoritetet e Maqedonise, si dhe per vemendjen e vecante qe faktori shqiptar ne Maqedoni po i kushton situates se krijuar. Gjithashtu, Meta shprehu mirenjohjen e thelle per ekipet maqedonase qe po punojne ne terren per t'u ardhur ne ndihme familjeve te prekura si dhe theksoi se "Qeverite e dy vendeve po bashkepunojne ngushte per te minimizuar demet e shkaktuara nga permbytjet". Nga ana e tij, Ademi shprehu solidaritetin e qeverise se Maqedonise dhe ne vecanti te faktorit shqiptar atje per popullin e Shkodres. "Qeveria e Maqedonise po ndjek me shume vemendje situaten e krijuar ne Shkoder dhe per kete ka derguar nje ekip prej 43 personash me gjithe logjistiken teknike te nevojshme per te nderhyre ne zonat e permbytura", deklaroi numri dy i qeverise maqedonase. Ai informoi homologun e tij shqiptar per vendimin e dy diteve me pare te Qeverise maqedonase per te shtyre afatin e qendrimit te ekipit maqedonas ne Shkoder dhe shprehu gatishmerine e plote per te vazhduar ndihmen edhe me tej ne varesi te nevojshmerise ne terren. Zv.kryeministrat Meta dhe Ademi zhvilluan edhe nje vizite prane ekipeve maqedonase ne terren per te pare nga afer punen qe po behet per menaxhimin e situates. D.D