Meta-LSI: “Pavaresia, sherbim dhe per Serbine”

Kryetari i Levizjes Socialiste per Integrim, Ilir Meta, e cilesoi si mjaft te rendesishme zgjidhjen perfundimtare te statusit te Kosoves. E kjo pasi, sipas tij, vetem zgjidhja perfundimtare e ketij statusi do te sjelle stabilitet dhe zhvillim ne rajonin e Ballkanit. Nje qendrim te tille, kryetari Meta e mbajti gjate pjesemarrjes se tij ne Konferencen e organizuar nga Grupi Socialist i Parlamentit Evropian ne Lubjana te Sllovenise. Tema e kesaj konference ka qene “Ballkani Perendimor ne 2008”, ku Kosova ka qene ceshtja kryesore e diskutimeve. Keshtu, ndalur ne kete ceshtje, Meta theksoi se “Kosova duhet te jete nje model per bashkejetesen etnike, duke garantuar te drejtat demokratike per cdo komunitet ne Kosove, perfshi edhe pakicat serbe. E ardhmja e minoritetit serb eshte ne Kosove”. Gjithashtu, Meta vleresoi qendrimin dhe fushaten pozitive te Kryeministrit te Kosoves, Hashim Thaci, per t’iu dhene nje garanci serbeve te Kosoves per te ardhmen brenda nje Kosove te pavarur dhe demokratike. Njekohesisht, ne vijim te fjales se tij, kreu i LSI-se, Meta, vleresoi se “zgjidhja e ceshtjes se Kosoves do t’i sherbeje edhe Serbise per lenien pas te se shkuares dhe integrimit te saj evropian”.