Meta: Miratimi i kodit, regres

Kryetari i Levizjes Socialiste per Integrim, Ilir Meta, nje dite pas mbylljes se greves se urise, deklaroi se votimi ne parlament i Kodit Zgjedhor shenoi hap pas në standartet e kërkuara nga ndërkombëtarët. Si rezultat i kësaj LSI nuk do të njohë kodin në atë pjesë që flet për administrimin e zgjedhjeve. Duke falenderuar intelektualët për mbështetjen Meta theksoi se greva permbushi fazen e pare per ngritjen e vetedijes shoqerore, dhe njoftoi se te merkuren e ardhshme do te zhvillohet nje proteste e madhe ne mbrojtje te votes se lire. Sipas Metës veprimet e fundit të PS e turpërojnë të majtën shqiptare. Per me shume se nje jave 10 deputete te parlamentit shqiptar u futen ne greve urie ne sallen e kuvendit ne shenje proteste per Kodin. Pavaresisht kundershtive te tyre, Kodi u miratua mbremjen e se martes me shumice votash.