Meta: “Rilindja” i ka shpallur luftë shtresës së mesme, që është garanti i demokracisë

Shtresa e mesme është një objektiv i Partisë së Lirisë. Kryetari i PL-së, Ilir Meta, në mbledhjen e Komitetit Drejtues të kësaj force politike, deklaroi se “Rilindja” i ka shpallur luftë garantit të mbrojtjes dhe zhvillimit të demokracisë që është shtresa e mesme.

“Modeli ynë ekonomik do të mbështetet tek nxitja e prodhimit, tek rritja e eksporteve, tek ekonomia e dijes, tek liria dhe klima miqësore ndaj biznesit, tek ulja e barrës fiskale dhe formalizimi i ekonomisë, tek garantimi i të ardhurave jetike për shtresat më në nevojë dhe sidomos tek konsolidimi dhe zgjerimi i shtresës së mesme të shoqërisë.”- deklaroi Meta.

/rtsh.al/