Meta: Te hartohet planveprimi per ne NATO

Levizja Socialiste per Integrim kerkon hartimin e planveprimit per reformen ne drejtesi dhe ate zgjedhore. Vete kryetari i LSI-se, Ilir Meta, ka dale ne nje konference te posacme per shtyp, ku ka deklaruar se nevojitet jo vetem nje shprehje e vullnetit politik nga Parlamenti permes miratimit te nje rezolute, por dhe pergatitja e nje planveprimi per keto dy reforma te medha e deficitare per vendin e politiken. Ne qendrimin e tij, Meta ka perkrahur iniciativen per qendrimet e partive politike per konkretizimin e axhendes se reformave, sidomos asaj zgjedhore dhe asaj ne drejtesi, duke shprehur gatishmerine per te kontribuar ne kete drejtim. Meta ka thene se partia e tij pershendet iniciativat e fundit per shprehjen e shpejte te vullnetit politik ne konkretizimin e axhendes se reformave, sidomos reformes zgjedhore dhe asaj ne drejtesi. Sipas tij, kjo me qellim qe vendi te kryeje nje progres bindes, deri ne fillim te muajit mars dhe si nje domosdoshmeri per te fituar besimin e partnereve tane, per te merituar ftesen per anetaresim ne NATO ne Samitin e Bukureshtit. Meta ka kerkuar mbledhje sa me te shpejte te Kuvendit per kete qellim. "Kemi qene te bindur prej kohesh, se vetem realizimi i reformave me konsensus te gjere do te beje te mundur permiresimin e imazhit te vendit dhe rritjen e besueshmerise se tij tek partneret nderkombetare per anetaresim ne NATO dhe perafrim me BE-ne", tha Meta. Numri nje i LSI-se duke vleresuar rendesine e kthimit te vullnetit politik, u shpreh per miratimin e nje planveprimi te menjehershem nga Parlamenti per reformat, vecanerisht asaj zgjedhore dhe ne drejtesi. Por ai nuk la pa permendur edhe mungesen e bashkepunimit mes paleve gjate vitit te kaluar. "Viti 2007 ishte nje vit deficitar ne reformen zgjedhore dhe ne ate ne drejtesi, te kerkuara nga nderkombetaret. Politika ndodhet ne kufijte kritike te kohes per kete ceshtje, gje qe na imponon nje angazhim emergjent", deklaroi ai.