Meta i kerkoi Rames 15 deputete
Ambasada amerikane ne Tirane jep nje version te saj per sa i perket prishjes se marredhenieve mes Partise Socialiste dhe Levizjes Socialiste per Integrim qe sollen dhe marreveshjen e Ilir Metes me pas me Partine Demokratike. Zevendesambasadori amerikan ne Tirane Stefen Kristina ne nje kabllogram te marsit te vitit 2008 rrefen se burimet e ambasades bejne te ditur se marredheniet mes dy aleateve u prishen per shkak se Meta i kishte kerkuar Edi Rames qe ti jepte 15 deputete duke nenkuptuar ketu edhe kerkesen qe ai te ishte Kryeminister ne rast se e majta fitonte zgjedhjet. Sipas te dhenave rezulton se Meta takoi Ramen ne zyren e tij ne Bashkine e Tiranes dhe i paraqiti kerkesa specifike mes te cilave ishte edhe ajo se LSI-ja duhet te rritej nga pese mandate deputetesh qe kishte ne 15 te tille pas zgjedhjeve te vitit 2009. Besohet gjeresisht se kjo nenkuptonte nje kerkese indirekte per postin e Kryeministrit. Kerkesat u refuzuan nga Rama - deklaron zevendesambasadori ne raportin qe i ka derguar Departamentit amerikan te Shtetit. Sipas zyrtarit amerikan ky refuzim i Rames solli menjehere sulmet e ashpra publike ne adrese te tij nga ana e kreut te LSI-se Ilir Metes. Po keshtu kabllogrami thekson se si arsye tjeter per kete ndarje sherbeu edhe aleanca e bere mes Rames dhe Kryeministrit Berisha per sa i perket ndryshimeve kushtetuese te cilat demtonin interesat e partive te vogla ne vend. Nga ana tjeter ne kete kabllogram permendet edhe emri i ish-kryetarit te Partise Socialiste Fatos Nano per te cilin theksohet se nepermjet takimeve informale vendosi paqe me Ilir Meten dhe ky i fundit nderpreu sulmin ndaj ish-shefit te tij. Po keshtu aty theksohet se kjo ndarje e dy partive kryesore te se majtes shqiptare pritet te beje qe zgjedhjet e vitit 2009 te fitohen nga ana e Partise Demokratike te drejtuar nga Berisha. Nese opozita mbetet e ndare kjo do ti jepte Kryeministrit Berisha nje avantazh ne zgjedhjet e vitit 2009 sic ja dha edhe ne vitin 2005 - parashikonte zevendesambasadori.